लोकांच्या जीवनात शांतता, आरोग्य आणि सर्वांगीण कल्याण आणण्याच्या पवित्र ध्येयाने आमच्या प्रवासाची सुरुवात झाली. आमची ही प्रेरणा कौटुंबिक परिवर्तन आणि वैयक्तिक उपचारांच्या अद्भूत अनुभवांवर घट्टपणे आधारलेली आहे.
पवार योग चिकित्सा केंद्रामध्ये प्रत्येक व्यक्तीच्या प्रकृतीचा आणि आजारांचा सखोल अभ्यास करून वैयक्तिक उपचार पद्धती ठरवली जाते. मणक्याचे विकार, सांधेदुखी आणि इतर गंभीर आजारांवर आम्ही प्राचीन योगशास्त्र आणि आधुनिक विज्ञानाच्या मदतीने यशस्वी व शाश्वत उपचार करत आहोत.
१,०००+
बरे झालेले रुग्ण
८+
वर्षांचा अनुभव
३
तज्ज्ञ सेंटर्स
आमच्या या प्रवासाची खरी सुरुवात संस्थापक सरांचे वडील, श्री प्रकाश पवार यांच्या जीवनातील दोन मोठ्या अपघातांतून आणि त्यांच्या अद्भूत रिकव्हरीतून झाली:
कामाच्या ठिकाणी झालेल्या गंभीर अपघातात त्यांच्या मणक्याला प्रचंड दुखापत झाली होती. त्यांनी अत्यंत निष्ठा आणि विश्वासाने नियमित योगाभ्यास करून स्वतःला पूर्णपणे बरे केले.
त्यानंतर पुन्हा एकदा एका मोठ्या अपघातात त्यांच्या डोक्यावर नारळाचे झाड पडले. या अत्यंत गंभीर प्रसंगातही केवळ योगाच्या सामर्थ्यामुळेच त्यांनी पुन्हा एकदा पूर्ण व सुदृढ रिकव्हरी मिळवून दाखवली.
त्याच काळामध्ये, संस्थापकांच्या आईला अर्धांगवायूचा झटका आला होता. परंतु, श्री प्रकाश पवार यांच्या अथक परिश्रमाने, योग साधना आणि नैसर्गिक उपचार पद्धतींच्या योग्य संगमामुळे त्या पूर्णपणे बऱ्या झाल्या. आपल्या आई-वडिलांना योगाच्या अभूतपूर्व शक्तीमुळे बरे होताना जवळून पाहणे, हीच संस्थापकांसाठी आयुष्यभरातील सर्वात मोठी प्रेरणा ठरली. यातूनच सर्वांगीण आरोग्यासाठी स्वतःला समर्पित करण्याचा दृढ संकल्प जन्माला आला.
योगाभ्यास आणि नैसर्गिक उपचारांच्या माध्यमातून लोकांची निस्वार्थ सेवा करणे या जाणीवेतून मोरगाव येथे 'स्वर्ग योग चिकित्सा केंद्र' ची स्थापना करण्यात आली.
हे स्वप्न अधिक व्यापक करत, मांजरी बुद्रुक, पुणे येथे 'पवार योग चिकित्सा केंद्र' ची अधिकृत सुरुवात झाली. अतिशय कमी कालावधीत हे केंद्र अनेकांच्या आरोग्यासाठी एक विश्वासू स्थान बनले.
या प्रेरक प्रवासाने प्रभावित होऊन, संस्थापकांच्या तिन्ही बहिणी देखील या पवित्र कार्यात जोडल्या गेल्या. आज संपूर्ण कुटुंब एकत्रितपणे योग आणि नैसर्गिक उपचारांच्या माध्यमातून समाजात उत्तम आरोग्य आणि मानसिक शांतता पसरवण्याचे काम करत आहे.
पवार योग चिकित्सा केंद्राच्या यशामागील मुख्य शक्ती
मुख्य संस्थापक आणि संचालक
८ हून अधिक वर्षांचा दांडगा अनुभव असलेले पवार सर यांनी हजारो रुग्णांना विना-शस्त्रक्रिया वेदनामुक्त जीवन दिले आहे. ते रोप बेल्ट आणि मेडिकल योग तज्ज्ञ आहेत.
योग प्रशिक्षक
नैसर्गिक उपचार, हिलिंग पॅक आणि पंचकर्म थेरपीमधील तज्ज्ञ मार्गदर्शक, ज्या रुग्णांना निरोगी बनवण्यात मोलाचे योगदान देतात.
पारंपारिक योग तज्ज्ञ
प्राचीन आणि शुद्ध भारतीय पारंपारिक योग पद्धतींचे शास्त्रशुद्ध प्रशिक्षण देऊन साधकांचे मानसिक व शारीरिक आरोग्य सुधारतात.
मेडिकल व पारंपारिक योग थेरपिस्ट
शारीरिक व्याधींवर आधारित थेरपी आणि कस्टमाइज्ड योग सत्रांच्या माध्यमातून रुग्णांना आजारांमधून मुक्त करण्यात कुशल.
पवार योग चिकित्सा केंद्र - आरोग्याची नवी सुरुवात
केंद्राची थोदक्यात माहिती:
• ८+ वर्षांचा दांडगा अनुभव आणि १,०००+ समाधानी रुग्ण.
• मेडिकल योग, रोप बेल्ट थेरपी आणि निसर्गोपचार पद्धती.
• कंबर, मान, मणका आणि सर्व प्रकारच्या सांधेदुखीवर हमखास उपचार.
